Интер се радува на нова титула во Серија А, со победа во градското дерби против Милан, избраниците на Симоне Инзаги го осигураа Скудетото број 20.Интер во иднина ќе има две ѕвезди на дресот, вечерва „нероаѕурите“ се радуваат на јубилејното Скудето број 20.На пет кола до крајот на сезоната, избраниците на Инзаги испишаа историја, и за прв пат во директен дуел со градскиот ривал Милан, и математички ја осигураа титулата.Ачерби ги донесе гостите во предност од 0-1 во 18. минута, дефанзивецот беше оставен сам по еден корнер и со глава ја затресе мрежата.Интер потоа пропушти неколку добри шанси за зголемување на водството, но по пет минути игра во вториот дел, Турам прецизно биеше по земја од врвот на шеснаесетникот за 0-2.Томори намали на 1-2 во 80. минута и натпреварот влезе во тензична завршница во која беа покажани три црвени картони.Најпрво Тео Ернандес и Дамфрис се фатија за гуша и беа исклучени, за подоцна Калабрија да го удри Фратези при еден корнер и предвреме да го заврши мечот.Мрежите сепак мируваа, па Интер можеше да почне со славјето.
Поврзани објави
Пелистер се врати во Прва лига, Беса го „наполни“ Тетекс!
Водечката екипа во ВМФЛ, екипата на Беса 1976 убедливо слави над Тетекс во рамките на 28. коло. Се слави и во Битола бидејќи Пелистер со триумф…
04.05.24 14:01
Синер се повлече од мастерсот во Рим поради повреда
Јаник Синер нема да настапи на претстојниот мастерс тениски турнир во Рим поради повреда на колкот. Италијанецот се…
04.05.24 13:48
Далас ги елиминираше Клиперс, Орландо се избори за мајсторка со Кливленд
Далас се пласираше во полуфиналето во Западната коннференција во НБА-лигата по победата од 114-101 против Лос Анџелес клиперс.…
04.05.24 09:24