Бродот со хуманитарна помош од Кипар отплови кон Газа. Во првата пратка се предвидени 200 тони храна. Пловидбата треба да го тестира отворањето на поморскиот коридор до регионот во Појасот каде што петмесечната војна меѓу Израел и Хамас предизвика сериозна криза со глад.
Во наредните неколку недели, САД планираат да изградат привремено пристаниште во близина на Газа. Според Обединетите нации, четвртина од населението во Појасот нема пристап до храна.
