Украинската воздушна одбрана собори 35 од вкупно 39 беспилотни летала лансирани од Русија врз нејзина територија синоќа, соопшти Военото воздухопловство на Украина.
Повеќето беспилотни летала се уништени над источните и јужните украински региони, соопшти Военото воздухопловство на Телеграм. Не е прецизирано дали има уништување.
Русија исто така истрела четири крстосувачки ракети С-300, додаде Военото воздухопловство. Оттаму не појаснија што се случило со проектилите и дали стигнале до целта.
Една жена е убиена од украинско гранатирање во селото Кулбаки во областа Курск, а нејзиниот сопруг е тешко повреден, соопшти денеска гувернерот на руската област која граничи со Украина.
-Станбена зграда е зафатена во пламен, а локална жена загина, напиша гувернерот Роман Старовоит на Телеграм. Нејзиниот сопруг, додаде, е тешко изгорен.
Оштетен е и уште еден дом во истото село, од кој дел остана без струја.
Бомбардирањата и нападите на руските региони кои се граничат со Украина зачестија во последните две години откако Москва ја започна војната против Киев.
Беспилотно летало лансирано од Украина паднало на територијата на складиште за нафта во областа Курск и се запалило, наведува Старовоит во друга порака на Телеграм.
Поврзани објави
Како Брисел реагира на непослушниот Орбан
Унгарија повторно го тресе Брисел… Беше јасно од самиот почеток на шестмесечното претседавање на Унгарија со Советот на…
17.07.24 08:30
Најмалку 52 жртви на топлотниот бран во Њу Делхи
ајмалку 52 лица ги загубија животите во Њу Делхи во интензивниот топлотен бран, јавија денеска локалните медиуми. Според…
20.06.24 07:01
По Северна Кореја, Путин во посета на Виетнам
По посетата на Северна Кореја, рускиот претседател Владимир Путин синоќа пристигна во посета на Ханој, главниот град на…
20.06.24 06:59