Триесет и три годишна жена и малолетно дете загинаа во тешка сообраќајна несреќа вчера доцна попладнето откако со автомобилот со кој се превезувале излетале од патот на потегот Крушево – Кривогаштани на местото „Студена вода“.
Загинатите биле сопатници во возилото во кое се превезувале уште две деца и еден маж.
Според информациите од Министерството за внатрешни работи, вчера околу 17 часот, автомобил „алфа ромео“ со прилепска регистрација излетало надвор од коловозот.
Со автомобилот управувал триесет и петгодишен жител на прилепското село Канатларци.
По несреќата во прилепската болница биле пренесени триесет и тригодшината жена, која починала во болница, а малолетниот сопатник, иако бил препратен во Комплекс клиники „Мајка Тереза“, починал при транспортот.
Возачот и уште двајца малолетни сопатници се здобиле со тешки повреди.
Извршен бил увид од увидна екипа од ОВР Крушево.
