Поранешните амбасадори Нано Ружин и Мухамед Халили ,во вечерашната Клан дебата со Љубиша Николовски се осврнаа на текот на изборната кампања и ветувањата на политичарите.
Според Ружин, програмата на политичките партии е чудна работа во политичките науки. ,,Во центарот на кампањата е политичката игра, политичката лага.Денешните политичари настојуваат со ветувања и празни фрази да придонесат да реагира граѓанинот.Човекот е лесен за манипулација. Политиката не може да постои ако не постои лага. Првата метода е лага во очи, втора е лага на пазар и трета метода се лажни вести и дезинформации Корупцијата се мери на централно но и на локално ниво.Никој од СДСМ не кажал досега дека корупцијата ни е заедничка болка,” рече Ружин.
Мухамед Халили, поранешен амбасадор во Данска и Белгија направи компарации како таму се одвивале кампањите.Тврди дека оваа кампања е страшно медиумски покриена, со билборди и реклами.
,,Освен една кандидатка која има скромна кампања, тоа е професорката Ванковска. Мене тоа ме бендисува. Еден дел од големите трошоци можеше да биде намален. Не треба толку пари да се даваат. Истото се однесува и кај Пендаровски и кај Силјановска.Јас сум имал прилика да гледам на парламентарни избори и во Белгија и во Данска. Таму е поскромно, од пазар, од куќа во куќа се оди.Нема силни кампањи и реклами.Разликата е што кандидатите таму држат говори на помали групи. Во нашата земја има разлика меѓу лага и манипулација.Премиерите и претседателите на партии се покажале како лажговци и манипуланти.Имаат голема шанса да манипулираат, да прават превид кај гласачите.Картите ги мешаат на митинзите. Најголемата грешка е што политичките партии ги злоупотребуваат граѓаните”,изјави Халили.
Политичкиот аналитичар Александар Пандов смета дека луѓето лажат не само во политиката, има и во обичниот живот.,, Силјановска вели дека преку политиката успеала да си го запознае својот народ.Силјановска е супер интелектуалка, меѓународно призната. Корупцијата и криминалот се најголем проблем во државата. Силјановска ветува а јас и верувам дека најпознатите професори и правници ќе бидат членови на Судски совет”,потенцира Пандов во емисијата КЛАН дебата.
