Памела Андерсон одамна се пресели од личноста која ги полнеше колумните на сите светски таблоиди во деведесеттите и целосно си го промени животот. Денес, во средината на педесеттите години, таа признава дека животот без шминка е „ослободителен и забавен“.
Таа одлучи повеќе да не се шминка откако нејзината шминкерка Алексис Вогел почина од рак на дојка. “Таа беше најдобра. И после тоа, едноставно ми беше подобро да не се шминкам”, рече таа.
Сепак, зад таа одлука стои и фактот што во нејзините млади денови немала многу збор за тоа како ќе изгледа. Затоа, овој чекор на промена на стилот и сопствениот бренд во позрела возраст е донекаде бунтовен одговор на ситуациите на почетокот на нејзината кариера. „Мислам дека сите почнуваме да изгледаме малку смешно како што старееме“, рече таа. „Некако се смеам на себе кога ќе се погледнам во огледало. Затоа велам „леле, ова навистина ми се случува“. Тоа е патување“. – додаде Памела. Сепак, особена утеха најде во тоа што нејзиниот стил, односно неговата еволуција, сега дизајнерите го користат како инспирација.
Памела повторно е таа што ги наметнува трендовите, а социјалните мрежи полека почнуваат да се полнат со модерни верзии на нејзината иконска фризура, додека трикот со врзување на косата со танга стана вирален хит оваа пролет. Покрај тоа, таа го отвори шоуто на Hugo Boss, а сега е главното лице на есенската колекција на брендот Aritzia, која е снимена во близина на нејзиниот дом во Канада. Таа на својот Инстаграм профил објави видео од снимањето на кое можеме да ја видиме во градинарски фустан и потпетици и како полева цвеќиња во здолниште и јакна.
