Претседателскиот кандидат на Европскиот фронт Бујар Османи вчера учествуваше и на отворањето на изборниот штаб на Турската демократска партија (ТДП) во Радовиш, а потоа и на партискиот митинг во Штип. Османи придружуван од првиот човек на ТДП Бејџан Иљјас оствари бројни средби со граѓаните и го претстави Декалогот на европскиот претседател.
Османи им се заблагодари на граѓаните за поддршката: „Поддршката е најголемата чест во животот што ми ја давате. Ќе ја почитувам вашата поддршка со целото мое битие. Нема да ве разочарам. „Верувам дека оваа земја заслужува повеќе. Сакам сите заедници да успеат во и низ оваа држава. Затоа го формиравме овој Европски фронт. Да поставиме ѕид против национализмот, ѕид против изолација и блокада и да овозможиме европска интеграција. На овие избори не зборував за себе затоа што во рок од 7 години имавте можност да ме оцените“, рече Османи пред присутните.
Османи во Радовиш и Штип, покрај средбите со граѓаните, оствари средби и со чаршиските еснафи, ги посети бизнисите од регионот и се запозна со проблемите, предизвиците и можностите за подобрување на економијата.
