Министерството за правда соопшти дека добиле официјално известување од турските власти дека екстрадицијата на Љупчо Палевски е дозволена.
Веста ја потврди и министерот за правда Кренар Лога кој на својот фејсбук статус напиша:
„Ве информирам дека денес со официјална информација од Република Турција добивме одобрение за екстрадиција на лицето Љупчо Палевски. Позитивниот исход на постапката произлегува после сите максимално преземени мерки и активности од делокругот на надлежности на Министерството за правда.“
Основното јавно обвинителство Скопје соопшти дека веќе му е определена мерка притвор во истражниот затвор во Шуто Оризари, која треба да започне да се применува веднаш по неговото испорачување.
Палевски е осомничен за двете убиства на Вања Ѓорчевска и Панчо Жежовски. Во Бегство е од крајот на ноември. Двете убиства ја згрозија јавноста. Убиството на 14-годишната Вања Ѓорчевска беше извршено по нејзино грабнување додека одела во школо. Таа беше ликвидирана во близина на Скопје.
За убиствата се осомничени уште 4 лица меѓу кои и таткото на убиената Вања, кој минатата недела беше пуштен во домашен притвор.
