Неколку лица се повредени при судир на два автомобила на крстосницата на булеварите Босна и Херцеговина и Словенија со улицата Македонско-косовска ударна бригада во Скопје. Очевидци велат дека сообраќајката се случила околу полноќ и некои од тешко повредените со Итна медицински помош веднаш се пренесени во болница, а со друго возило им се укажува помош на останатите.
Булеварот Словенија во насока кон Момин Поток е затворен за сообраќај, а на крстосницата, во близина на трговскиот центар „Поинт ритеил“, каде што е сообраќајната незгода, не работат семафорите.
Полиција го пренасочува сообраќајот на околните сообраќајници.
