Првиот заменик претседател на Владата за европски прашања Бојан Маричиќ во врска со Планот за раст, во своето обраќање сподели дека она што го баравме од Европската Унија конечно е извесно дека ќе се оствари откако Советот на ЕУ и Евроспкииот парламент постигнаа согласност за предлогот на Европската Комисија за воспоставување на Инструментот за реформи и раст, односно Планот за раст за земјите од Западен Балкан.
,,Со други зборови Европската унијата се заложува да ја спроведе една од најголемите инвестициски стратегии за интеграција на регионот на Западен Балкан, преку заедничка соработка со вкупно 2 милијарди евра во грантови и 4 милијарди евра во заеми, за помош во реформите поврзани со ЕУ и економското приближување до европскиот стандард. Овој чекор ја нагласува посветеноста за поддршка на усогласувањето на Северна Македонија со вредностите, законите и стандардите на ЕУ, со што значително ќе се забрза ефектот со сите социо-економски придобивки на нашиот пат кон полноправното членство во ЕУ“, вели Маричиќ.Инструментот ќе се реализира во периодот од 2024 до 2027, ќе го надополни постоечкиот Инструмент за претпристапна помош (ИПА III), значително зголемувајќи ја финансиската помош за партнерите во регионот.Целта на Планот за раст е да ги поддржи партнерите на ЕУ од Западен Балкан во преземањето реформи поврзани со ЕУ и ќе го стимулира економското приближување со ЕУ, врз основа на амбициозните реформски агенди.„Пораката од ЕУ се надоврзува на нашите заложби, го потврдува она што ни е нам важно, ЕУ сака Македонците да бидат дел од Унијата. Во меѓувреме потребно е да ги реализираме реформите преку стратешки планови со цел раст на регионот и државата кои ќе донесат значителни социоекономски придобивки за сите граѓани. Токму затоа, Планот за раст ни дава дополнителна сила и мотивација да не се откажуваме од европската иднина, за доброто на сите граѓани“, истакна тој во своето обраќање.
