Стотици партиски делегати на собирот во Магдебург го усвоија документот во кој се вели дека ЕУ „комплетно потфрли“ на теми како што е климата и миграцијата.
Во нацрт резолуцијата од јуни се бараше распуштање на ЕУ но овојпат ја ублажија позицијата па бараат реконструкција на Унијата и нејзино претворање во федерација на европски нации која првенствено ќе ги штити економските интереси на членките а истовремено ќе ја почитува нивната национална сувереност.
Неодамнешните сондажи на јавното мислење во Германија покажуваат дека поддршката за АфД се движи меѓу 18% и 23% а на последните федерални избори во 2021 година имаа 10,3% од гласовите. Во меѓувреме партијата капитализираше од зголемената инфлација и растечките цени на енергенсите.
АфД не се задоволни ни од еврото и бараат враќање на германската марка.
