Претседателскиот кандидат на ДУИ, Бујар Османи, денеска на лидерите на Европскиот фронт им ја врачи Програмата со своите 10 заложби во улога на шеф на државата. На презентацијата на Програмата присуствуваа лидерите на Европскиот фронт, Али Ахмети, Мендух Тачи, Зијадин Села, Скендер Реџепи Зејд, Аријанит Хоџа, Бејџан Иљас и Фатима Османовска.
Османи при презентацијата ги наведе трите основни принципи на програмата од кои произлегуваат 10-те ветувања. Основни столбови се: Компасот на геостратешката ориентација на земјата; Сврзното ткиво на етничките и политичките наративи; како и Улогата креатор на државниот консензус.
Османи поединечно ги објасни десетте ветувања што ќе ги исполни како претседател на државата. Заложбите што ги наведе се следните: Интеграција во ЕУ до 2030 година, избор на претседател преку Собранието со двојно мнозинство, Партнерство и стратешки дијалог со САД, формирање на меѓународен одбор со САД, ЕУ и НАТО за сертификација на сите носители на јавни функции, зајакнување на Армијата во согласност со стандардите на НАТО, соодветно меѓународно етаблирање преку надворешната политика, задржување на младите во земјата, образование и иновации, како и зелена агенда.
На крајот, лидерите на Европскиот фронт дадоа согласност за вклучување во програмата на клучните прашања кои се од стратешко значење за државата и потпишаа Декларација за поддршка на Програмата на Европскиот претседател.
Линк, видео: https://www.transferxl.com/download/08jrY8pWPCMWvT
