Демократската унија за интеграција и Европскиот фронт изразуваат загриженост за нивото на речникот во предизборната кампања од страна на лидерите, кои, како што велат, треба да бидат пример за демократска и европска кампања.
„Последно, Мицкоски во Крушево изјави дека „неговата задача и цел е да ги испрати Али Ахмет и ДУИ во политичка пензија“. Го потсетуваме Мицкоски и неговите проруски телали дека кариерата и политичката активност на г-дин Али Ахмети е повеќе од историја, повеќе од Влада и повеќе од власт.
Од денот на основањето на ДУИ, г-дин Али Ахмети нема изгубено ниту едни избори и така ќе биде се додека Мицкоски не им се придружи на пензионерите, и во СДСМ и во ВМРО, кои своевремено сакаа уривање на ДУИ и на лидерот на Албанците, г-дин Али Ахмети.
Мицкоски знае дека во Северна Македонија не постои вага која може да ја измери работата, развојот и трансформацијата на државата со реформистичките проевропски политики на ДУИ и г-дин Али Ахмети.
Така, граѓаните на 24 април и 8 мај ќе ја заверат победата на ДУИ и Европскиот фронт, покажувајќи им уште еднаш каде им е местото на Мицкоски, ВМРО, како и на албанската опозиција веќе престроена со центрите на Кремљин“ велат од ДУИ.
