Централното собрание на Демократска партија на Албанците (ДПА) синоќа го одобри предлогот на претседателот Мендух Тачи за учество во коалицијата Европски фронт предводена од Демократската унија за интеграција (ДУИ).
Партскиот лидер оваа ја можност најави ден претходно во емисија на КЛАН ТВ.
-Се одржа Централното собрание на ДПА на кое едногласно беше одобрен предлогот на претседателот Мендух Тачи, на претседателските избори на 24 април и на парламентарните избори на 8 мај, дека ДПА треба да влезе во коалицијата со Европскиот фронт”, информираат од ДПА.
Според информацијата од ДПА, потпишувањето на коалицискиот договор ќе се случи во понеделник во Тетово во Домот на културата а ќе го потпишат партиските лидери Мендух Тачи и Али Ахмети.
