Двегодишната Данка Илиќ се разбудила во автомобилот во кој ја скриле двајцата мажи, а потоа еден од нив ја удавил, вели за „Информер“ началникот на српската Управа за криминалистичка полиција Нинослав Цмолиќ.

– Откако ја удриле Данка со автомобилот, мислеле дека е мртва и ја ставиле во багажникот, но девојчето било живо и се разбудило во еден момент! Според нивните изјави, тие застанале да уринираат во близина на куќата. Подоцна, кога продолжиле, ја удриле Данка, а потоа ја ставиле во багажникот – вели Цмолиќ и додава:

– Чудното движење на нивното возило било снимено со ГПС-уред. Нивните приказни не се совпаѓаат во врска со давењето на детето, бидејќи детето се разбудило додека едниот од нив возел, а сопатникот ја задавил Данка. Тие не се сложуваат за тоа кој од нив ја давел Данка. Подоцна ја фрлиле во депонија.

С.Ј и Д.Д ја убија малата Данка Илиќ (2), а вчера го признаа делото. Српската полиција десетти ден трага по телото, а постојат сомнежи дека трупот можеби бил преместен.

–  Се собираат докази дење и ноќе. Еден од убијците има блокада и не се сеќава каде го оставил телото. Факт е дека нивните приказни се совпаѓаат со деталите од ударите, но нивните искази не беа усогласени за вистинското убиство на детето. Данка била во несвест кога ја удриле со автомобилот и мислеле дека таа е мртва, па се изненадиле што се разбудила, а еден од нив ја удавил и на крајот се ослободиле од телото на депонијата – изјави Цмолиќ.