Министерот за политички систем и односи меѓу заедниците, Артан Груби од ДУИ, во емисијата Клан дебата со Џумадије Ибраими, наведува дека опозицискиот кандидат за претседател Арбен Таравари самиот се изјаснил дека најверојатно нема да победи во трката за претседател и оти заедно со Билал Касами, според него, ќе продолжат да бидат градоначалници. Според Груб, ова е измама за граѓаните, бидејќи ги повикуваат да гласаат за нешто во што ни тие самите не веруваат.
Според Груби, Таравари случајно е во политиката и го нарече сезонски политичар.
„Тој знае дека ќе пропадне. Ниту во албанскиот кампус нема шанси за победа, а не да влезе во вториот круг“, рече меѓу другото Артан Груби.
