Германскиот министер за одбрана Борис Писториус вчера го опиша почетокот на распоредувањето на германска бригада во Литванија како клучен чекор за подобрување на можноста за дистрибуција на силите на НАТО и „важен ден за Бундесверот“.
„Ова е прв пат трајно да стационираме таква единица надвор од Германија“, рече Писториус во Берлин на церемонијата за испраќање на првите германски војници во Литванија.
Министерот за одбрана на Литванија, Лауренс Каскунас, кој ја презеде функцијата минатиот месец, ги поздрави германските војници по пристигнувањето на аеродромот во Вилнус.
Каскунас рече дека овој аранжман е „многу важен“ за Литванија и дека „доказ за германска сигурност“. Тој, исто така, ги увери војниците дека литванската влада ќе стори сé што е во своја моќ да ја изгради потребната инфраструктура навреме.
Персоналот што вчера стигна во Литванија треба да ги постави темелите за уште стотици, можеби илјадници војници во оваа земја, членка на НАТО што граничи со Полска, како и со Белорусија и руската ексклава Калининград.
