По изјавата на претседателскиот кандидат Арбен Таравари од неговото крило во Алијанса за Албанците дека ќе имаат свои кандидати за пратеници и во изборните единици 3 и 4, и од Движењето Беса, која партија е дел од коалицијата Вреди, потврдија дека во тие изборни единици ќе учествуваат со заеднички листи на парламентарните избори.
„Во ИЕ3 и ИЕ4 ќе имаме кандидати. Имаме повеќе имиња. Ни треба повеќе време да се консултираме. Не се партиски имиња, туку независни имиња. Затоа зедов автортизирање од Централното собрание на партијата за да можеме да ги изберем личностите кои што ќе имаат влијание во тој регион“, изјави вчера Таравари.
Инаку, ИЕ3 опфаќа североисточни, источни и делови од централна Македонија, а ИЕ4 опфаќа општини од јужна и источна Македонија.
