Одличен ден за руските тенисери на Вимблдон. Пласман во осминафиналето обезбеди и Бугаринот Димитров додека кај дамите нова победа забележа 16-годишната Русинка Андреева.
Возбудливи дуели се одиграа денеска на Вимблдон. Пласман во осминафиналето во меч кој траеше два дена избори бугарскиот тенисер Григор Димитров кој со 3-0 славеше против Французинот Тиафо.
Најнеисвесно беше на мечот помеѓу Рубљов и Бублик каде рускиот тенисер ги доби првите два сета, но Бублик не се предаваше и успеа да израмни на 2-2 но немаше сили за целосен пресврт.
Сензационална победа оствари Русинот Сафиулин кој е 92-ри во светот и успеа да го изненади Канаѓанецот Денис Шаповалов совладувајќи го со 3-1 во сетови.
Вечерва се игра дуелот Ѓоковиќ- Хуркач. Српскиот тенисер доколку се пласира во четвртфиналето ќе игра токму против Рубљов.
На женскиот турнир продолжува серијата на 16-годишната Русинка Мира Анреева која со убедлива игра во два сета ја елиминира сонародничката Потапова. Американката Пегула исто така во два сета славеше против Лесиа Цуренко од Украина.
