Во неочекуван пресврт, Габриел му врачила на претседателот Румен Радев листа на номинирани кандидати за министри, и покрај тоа што нема мнозинство во парламентот без поддршката од партиите Промените продолжуваат и Демократска Бугарија, ниту пак согласност од кандидатите на листата.
Сите кандидати за министри на Габриел, вклучувајќи го премиерот во заминување Николај Денков, кажале дека ниту биле прашани ниту дале согласност за да се најдат на листата, и дека сакаат нивните имиња да бидат отстранети.
Пред девет месеци ривалите ГЕРБ, Промените продолжуваат и Демократска Бугарија, решија да ги стават на страна разликите и да поддржат заедничка влада, составена главно од неполитички експерти, која девет месеци беше предводена од Николај Денков, а следните девет требаше да биде предводена од Габриел.
Потегот на Габриел, иако навидум отвора можност за ротација меѓу ГЕРБ и ПП-ДБ, експлодираше во комплициран процес на преговарање на ротацијата од Денков на Габриел.
Владата на Денков веќе поднесе оставка, како што беше договорено, но ГЕРБ и ПП-ДБ се мачат да постигнат договор за плановите за следните девет месеци.
ГЕРБ сега има две опции: вонредни парламентарни избори или влада со Движењето за права и слободи, кое е трета политичка сила во парламентот зад ГЕРБ и ПП-ДБ.
Предвремените избори се чинат поверојатно бидејќи лидерот на ГЕРБ Бојко Борисов може да одбие официјална коалиција со Движењето за права и слободи. Во тој случај, изборите би се одржале на почетокот на јуни заедно со изборите за Европскиот парламент.
Според анкетите спроведени пред настаните од 19 март, 40 отсто од Бугарите не сакаат нови вонредни избори и претпочитаат ротирачката влада да продолжи да владее со државата.
Само 27 отсто сакаат вонредни избори а 9 отсто сакаат владата во заминување да продолжи со работа, покажува анкета спроведена од Алфа рисрч претходно во март.
Според истата анкета ГЕРБ би победил на изборите но со само 23,7 отсто од гласовите, пред ПП-ДБ со 19,2 отсто, десничарската проруска Вазраждане со 12,8 отсто, ДПС со 9,7, Бугарската социјалистичка партија со 9,6 отсто и партијата Има таков народ со 5,1 отсто. Ова речиси би ги повторило резултатите од претходните вонредни избори, од
