Лидерот на Демократската унија за интеграција, Али Ахмети, вечерва од Дебар порача дека заедно мора да градиме мир, стабилност, иднина и да воспоставиме европски стандарди и да се бориме против криминалот и корупцијата.
„Мицкоски има дадено изјава дека наводно му праќам емисар да преговара за да влеземе во Владата. Христијан, во политиката влегов како востаник и нема да излезам без да се откажам, да се разбереме, народот ме гласа 22 години. Јас формирав фронт со албанските политички партии, но го направив непобедлив со вклучување на заедниците кои вие ги презирате, како што се турската, ромската и бошњачката и се трудиме во Уставот да ги вклучиме и бугарската, египетската, црногорската и хрватската заедница“ рече лидерот на ДУИ Али Ахметина синоќешниот митинг во Дебар.
Тој порача дека Европскиот фронт ќе биде победник на изборите на 8 мај и дека народот ќе одлучи кој ќе биде дел од Владата.
„Опозицијата да не ги прави грешките што ги направи мојот поранешен колега во 2006 година и тогашната партија ја направи таа грешка и плати висока цена. Ние Албанците не сме претставници на малцинство, ние сме легитимни претставници на огромното мнозинство Албанци, а сега во Фронтот се и ромската, турската и босанската заедница. Па со тие шифри што ги пеат, тие никогаш не одлучуваат, одлучува народот. Значи, на 8 мај сите да гласаат за Фронтот, затоа што вие гласате за интеграција и изолација. Ќе се гласа за интеграција или за изолација. Нема друга алтернатива освен ЕУ. Денеска се чувствуваме поинаку како членки на НАТО – затоа што сите се грижат за мирот, стабилноста и безбедноста на земјите-членки. Војните не се далеку, тука се случуваат, Украина, Русија и Блискиот Исток“, рече лидерот на ДУИ Ахмети.
Тој понатаму нагласи дека заедно мора да градиме мир, стабилност, иднина и заедно да воспоставиме европски стандарди и да се бориме против криминалот и корупцијата.
„Зошто не се храбри да гласаат за ветинг и да ги исчистат политичките фигури. Да гласаме и да не се занимаваме со бајки за секој ден затоа што не сум ни истражител ни обвинител ни суд. Значи, оваа земја има свое место во Европа и за оваа земја мора да работиме заедно, Македонци и Албанци, а не да се враќаме во минатото и да се огорчуваме затоа што викав УЧК, но УЧК е албанска гордост и УЧК ја спаси Македонија, нагласи Ахмети.
Кандидатот за пратеник во петтата ИЕ Муса Џафери во Дебар рече дека поддршката на Европскиот фронт ќе помогне во успешното патување кон полноправно членство во Европската Унија. Тој пред дебарчани порача дека сите треба да гласаат за листата на Фронтот бидејќи тоа е во најдобар интерес на државата.
„Ниту ДУИ, ниту партиите што се во Европскиот фронт не сакаат конфликт, ние имаме определба и цел да бидеме дел од европските вредности, да бидеме дел од европскиот економски систем, да немаме гранични бариери. Сакаме да помогнеме да нема конфликт со бугарскиот сосед и колку се тие нека бидат дел од Уставот. Нека биде референдумски денот на гласањето на 8 мај и сите да гласаме за Фронтот и со гласањето нека се утврди кој да го претставува и кој да раководи со институциите“, рече Џафери.
Арбана Пашоли, кандидат за пратеник, истакна дека поддршката на Европскиот фронт е поддршка за европскиот пат на земјата и ги повика сите да гласаат за бројот 4.
„Изборниот резултат докажа дека кандидатот на Европскиот фронт е навистина додадена вредност, докажа дека граѓаните го ценат обединувањето на проевропските сили, докажаа дека граѓаните ја ценат етничката, културната и јазичната различност и им дадоа приоритет на про- Европската ориентација на оваа земја пред се“, рече Пашоли.
