Се одиграа пет натпревари во рамките од седмото коло во Првата македонска фудбалска лига (ПМФЛ), единствено само Гостивар успеа да дојде до победа.
Гостивар триумфираше со 3:1 над Шкендија, по првиот дел Ајдоган донесе предност за домаќините во 22 минута од средбата.
За 2:0 се погрижи Симоновски во 46 минута, тетовските „црвено-црни“ ја намалија негативата во 87 минута преку Ибраими. Во самиот финиш сите дилеми околу победникот ги реши Алдаир од пенал во судиското надополнување (90+1`).
Мируваа мрежите на мечевите Брера Струмица – Тиквеш и Пелистер – Работнички. Составот на Шкупи ремизираше 1:1 на пресметката со Беса 1976.
Во 24 минута клубот од Чаир дојде до водство со погодокот на Едмундсон, а гостите го избегнаа поразот во 82 минута благодарение на голот на Али.
Актуелниот шампион Струга одигра нерешено 1:1 на гости против Воска Спорт. Домаќинот водеше од 50 минута со голот Јахја, а во 67 минута струшкиот тим дојде до бод преку Радески.
На табелата сега Гостивар е нов лидер со 15 бодови, пред второпласираната Шкендија која има 14. Колото ќе биде комплетирано со последниот дуел од 20.00 часот помеѓу Вардар и Силекс.