Претседателот на Демократската унија за интеграција, Али Ахмети, во емисијата „Дебата плус“ на ТВ Клан Македонија ја коментираше изјавата на кандидатката на ВМРО-ДПМНЕ, Гордана Силјановска-Давкова, за осудата за воените злосторства од 2001 година во Меѓународниот трибунал за воени злосторства.Ахмети рече дека Силјановска- Давкова и покрај тоа што е професор по меѓународно право не ги познава законите.„Таа е професорка по меѓународно право и не знае меѓународно право. Kaко командант на Ослободителната национална армија ја потпишав амнестијата на завојуваните страни, ова го потпишаа и САД и тоа е гаранција. Им кажав на меѓународните фактори дека во оваа држава во 45-тата се убиени Албанци, но дали ми гарантирате дека тоа нема да се повтори? Ја извадив јакната и им ја дадов, јакната со крв на војник, после 20 години јавноста ја има таа фотографија. Случајот е затворен. Трибуналот ги врати случаите бидејќи немаше аргументи. Два пати што се обиде Хаг, одговорија Тарчуловски и Бошковски, ниту војник, ниту командант. Сум одговарал пред трибуналот и сум одговарал за се, од командант до други датуми. Ја презедов одговорноста дека јас сум одговорен за се, а не моите војници“, изјави Ахмети.
Ахмети-Силјановска: Таа е професорка по меѓународно право која не ги знае законите!Случајот со Трибуналот е затворен!
