САД и Франција: Северна Македонија да се придржува до меѓународните обврски

Франција и САД ја повикуваат новата влада во Северна Македонија да остане фокусирана на патот кон ЕУ и да се придржува до меѓународните обврски, се вели во француско-американскиот патоказ, кој Белата куќа го објави на 8 јуни, по одбележувањето на 80 години од најголемата копнено-воздушно-поморска операција во историјата, Денот Д, за ослободување на Европа од нацистичката окупација.Белата куќа кажа дека Бајден и Макрон се заложиле за Европа – цела, слободна и мирна.

„Тие ја повикуваат новата влада во Северна Македонија да остане фокусирана на патот кон ЕУ и да се придржува до своите меѓународни обврски“.

Освен Северна Македонија, патоказот ги спомнува и другите држави на Западен Балкан, како и Украина, НАТО, Блискиот Исток и други региони.„Франција и САД ја поздравија континуираната блиска соработка за интеграцијата на Западен Балкан во Европската Унија со цел да се зголеми просперитетот и да се зајакне демократското владеење и владеењето на правото. Тие ја поздравуваат можноста за зајакнување на заедничкиот ангажман на Западен Балкан, вклучително и преку соработката меѓу Европската Унија (ЕУ) и НАТО, дијалогот олеснет од ЕУ за нормализација на односите меѓу Косово и Србија и преку поддршка на клучните реформи за интеграција во ЕУ“, се вели меѓу другото во информацијата.Помошник-државниот секретар на САД Џејмс О` Брајан, кога го честиташе изборот на Гордана Сиљановска- Давкова на социјалната мрежа Х, рече дека САД очекуваат да работат со Северна Македонија „на значајни реформи и заеднички цели на патот кон евроатлантската интеграција“.

И заменик-помошникот секретар на САД во заминување и специјален претставник за Западен Балкан Габриел Ескобар, во онлајн интервју за Европскиот центар на Атлантскиот совет на крајот на мај, рече дека САД добиле уверување од ВМРО-ДПМНЕ дека ќе останат посветени на европскиот пат.

Поврзани објави

Ексклузивно за Клан Македонија: Др. Пол Вилијамс потврдува дека ја подготвува платформата за меѓуетнички легитимитет за Северна Македонија

Др. Пол Вилијамс, познат како автор на Охридскиот договор од 2001 година, за телевизијата Клан Македонија ексклузивно потврди…
Повеќе
Total
0
Share