Во Гази Баба се урна деловен објект – дивоградба, ќе се гради градинка

Денеска, инспекциските служби на општина Гази Баба со асистенција на Министерството за Внатрешни работи извршија рушење на безправно изграден деловен објект во населеното место Инџиково.

На рушењето покрај инспекциските служби присуствуваше и градоначалникот на општина Гази Баба Бобан Стефковски кој вели дека никој не е над Законот.

Нема да дозволам урбаната мафија да дивее низ општина Гази Баба. Компромис со спроведување на Законот, ниту сум правел, ниту ќе правам. Апелирам до граѓаните да се почитуваат Законите за да немаме вакви непријатни ситуации. Тука нема да застанеме – порача Стефковски.

Градбата на овој деловен објект инспекциските служби на општина Гази Баба ја утврдија почетокот на месец август при што беше изречена мерка за затворање на градилиштето која лицето не ја почитуваше и продолжи со градба. Согласно Законските одредби, службите донесоа решение за отстранување на објектот кое денес беше извршено.

Поврзани објави

Ексклузивно за Клан Македонија: Др. Пол Вилијамс потврдува дека ја подготвува платформата за меѓуетнички легитимитет за Северна Македонија

Др. Пол Вилијамс, познат како автор на Охридскиот договор од 2001 година, за телевизијата Клан Македонија ексклузивно потврди…
Повеќе
Total
0
Share